Same kinse miër

Same praote, same luustere
Same leeve weurdjes fluustere
Same bisse noëts allein
Same lache, same treure
Same um ein snoepje zeure
Same zien det vult zoë fijn

Same sporte, same laupe
Same nieje kleier kaupe
Same aan de telefoon
Same zinge, same viere
Same ut ganse hoës versiere
Same de kemuunie doön

Same aete, same drinke
Same liedjes laote klinke
Same kinse ech vuül miër
Same baeje, same danke
Same zitte in de banke
Same met ôzze Leeven Hiër