Hank in hank

Ik leg mien hank in die van dich
Ein kleine in ein groëte
Die hank die mich verzörg en truüst
As ik mich heb gestoëte

Soms luüt ze mich ein bietje los
En gaon ik ef allein
Maar as ik wil pak ik ze wir
Die hank....veilig en fijn

Soms struukel ik of val lank-oët
In eine deepe plas
Den is dao wir die sterke hank
Die griep mich stevig vas

‘k Staar in gedachten vur mich oët
En wins det wao ik gaon
Der altiëd wal zon hank zal zien
Zoëlang as ik bestaon