De ster

Gister loog ik in mien bed
Gans deep ônger de wol
Mam hei mich lekker ingestopt
Pap kösde miene bol

Ik kôs de slaop nog neet drek vatte
En zoog de sterre door ut raam
Eintje stông hiel fel te straole
Zachjes reep ze miene naam

Verzichtig heb ik toen die ster
Oet den hemel kinne plökke
Ik lag ze op mien kösse neer
Gelökkig brook ze neet in stökke

Good oetgerös en hiel erg bliej
Stông ik ‘s morges op
En mien ster? Die waas wir weg
Maar mienen druim waas top

Kiek saoves as ut duuster is
Maar ens good nao de luch
Die ster die dao zoe helder straolt
Die straolt dao auk vur uch