De Raegenboog

Lets kwaam ik wie ik boëte leep
In un raegenbuuj terech.
Ik baalde en dach beej michzelluf
Wat heb ik toch wir pech.

Maar toen de buuj veurbeej waas
En de zon begôs te schiëne
Zoog ik unne raegenboog
Dae mien kwaodheid deej verdwiëne

Unne boog met hiël veul kleure
Zoe schitterend, half rônk.
Van roéd nao gael tot violet
Vaan de hemel tot de grônk.

Oet zoë iets simpels opgebouwd
Get dröppelkes en zônneschien.
En ik? Ik zoog inens wir in
Wie simpel gelök eigelik kin zien.